“Real” Kərimə əvəzləyici tapıb – keçmiş futbolçu açıqladı

Niderland millisinin sabiq hücumçusu Rene van de Kerkhof PSV-nin forvardı Kodi Qakpo barədə açıqlama verib.

Komanda.az “Voetbalzone”-yə istinadən xəbər verir ki, o, 23 yaşlı hücumçunun İspaniyanın “Real” klubuna transferi ilə bağlı etibarlı mənbələrdən məlumat aldığını bildirib:

“Mənim İspaniyada etibarlı mənbələrim var, “Real” Qakponu Kərim Benzemanın əvəzləyicisi kimi almaq istəyir. Yayda Kodi hansı kluba gedəcəyini seçəcək. Düşünürəm ki, “Real”a transfer olunması onun üçün ən yaxşı qərar olar”.

Niderlandlı futbolçu ilə “Mançester Yunayted” və “Liverpul”un da maraqlandığı bildirilir.

Qakpo bu mövsüm PSV-nin heyətində 24 oyuna çıxıb, 13 qol vurub və 17 məhsuldar ötürmə edib.