“Real” Azərbaycan millisinə 4 qol vuran futbolçunu istəyir

“Sportinq”in (Lissabon) hücumçusu Viktor Qyökeres “Real”ın maraq dairəsindədir.

Komanda.az “El Gol Digital”-a istinadən xəbər verir ki, “kral klubu” 26 yaşlı hücumçunu braziliyalı Vinisius Junior və ya fransalı Kilian Mbappenin əvəzləyicisi kimi nəzərdən keçirir. “Real” ona verilən ümidləri doğrultmayan Mbappenin oyunundan son dərəcə narazıdır.

“Sportinq”ə gəlincə, Lissabon klubu Qyökeresi 100 milyon avro dəyərində qiymətləndirir. O, bu mövsüm yüksək performans nümayiş etdirir. İsveçli forvard 22 matçda iştirak edib, 32 qol vurub. Qyökeres noyabrın 19-da İsveçdə keçirilən oyunda (6:0) Azərbaycan millisinin qapısına 4 qol vurmuşdu.