“Real” ondan razıdır – Müqaviləsini uzadacaq, maaşını artıracaq

“Real” müdafiəçisi Raul Asensionun oyunundan məmnundur.

Komanda.az xarici KİV-ə istinadən xəbər verir ki, Madrid klubunun rəhbərliyi öz yetirməsinə artan maaşla yeni müqavilə təklif etməyi planlaşdırır.

21 yaşlı futbolçu bu mövsüm İspaniya çempionatında üç oyunda iştirak edib və bir məhsuldar ötürmə verib. Onun klubla hazırkı müqaviləsi gələn mövsümün sonunda başa çatacaq.

“Real” noyabrın 4-də səfərdə “Atletik”lə qarşılaşacaq.