“Real” Ançelottinin getməsinə razılıq verib

“Real”ın baş məşqçisi Karlo Ançelotti cari mövsümün sonunda Madrid klubunu tərk edəcək.

Komanda.az xarici KİV-ə istinadən xəbər verir ki, İspaniya klubu Ançelottinin Braziliya millisi ilə anlaşmasına razılıq verib.

64 yaşlı italiyalı mütəxəssis 2021-ci ildən “Real”ı çalışdırır. Onun rəhbərliyi altında komanda İspaniya çempionu olub, ölkə superkubokunu, Çempionlar Liqasını, Klublararası dünya çempionatını qazanıb.

Hazırda “Real” 12 matçdan sonra 29 xalla La Liqanın turnir cədvəlində ikinci yerdədir.