“Real” 82 milyon təklif etdi, “Çelsi” “yox” dedi

“Real”ın mövsümün sonunda heyətinə qatmaq istədiyi Eden Hazard üçün “Çelsi”yə göndərdiyi təklif qəbul olunmayıb.

Komanda.az İngiltərə mətbuatına istinadən xəbər verir ki, “kral klubu” belçikalı vinger üçün “Çelsi”yə 82 milyon avroluq təklif göndərib. Bu məbləği az hesab edən İngiltərə klubu “Real”ın təklifindən imtina edib.

“Çelsi”nin futbolçu üçün 100-120 milyon avroluq təklifləri dəyərləndirəcəyi bildirilir. İspaniya klubunun baş məşqçisi Zinəddin Zidanın bu transferdə qətiyyətli olduğu, buna görə də, yeni təklif hazırlandığı deyilir.

“Zadəganlar”la 2020-ci ilədək müqaviləsi olan 28 yaşlı futbolçu, bu mövsüm iştirak etdiyi 39 oyunda 16 qol vurub.