“Real” 27 il əvvəlki uğurunu təkrarlayıb

Karlo Ançelottinin rəhbərliyi altında “Real” ardıcıl 24 matçdır (18 qələbə, 6 heç-heçə) İspaniya çempionatında uduzmur.

Komanda.az ““Opta Sport”-a istinadən xəbər verir ki, İspaniya La Liqasının 30-cu turunda “Atletik Bilbao”ya qalib gələn (2:0) “Real” komandasının son 27 ildəki ən yaxşı seriyasını təkrarlayıb. Sonuncu dəfə 1996/97 mövsümündə italiyalı mütəxəssis Fabio Kapellonun rəhbərliyi altında “kral klubu” belə nəticə əldə edib.

İspaniya çempionatının 30 turundan sonra “Real” 75 xal toplayıb və 1-ci yerdədir. “Atletik” İspaniya Primerasında eyni sayda oyundan sonra 56 xal toplayıb və 4-cü yerdə qərarlaşıb.