“Real” 21 yaşlı futbolçunun transferini tamamladı

“Real”ın “Portu”nun futbolçusu ilə razılıq əldə etdiyini xəbər vermişdik.

Komanda.az İspaniya mətbuatına istinadən xəbər verir ki, “kral klubu” “Portu”nun 21 yaşlı futbolçusu Eder Militaonu mövsümün sonu heyətinə qatacaq. Braziliyalı futbolçu üçün “Real”ın 50 milyon avro ödəyəcəyi bildirilir. Onunla 2025-ci ilədək müqavilə imzalanacaq.

“Liverpul”, “Mançester Yunayted”, “Çelsi” kimi klubların maraq dairəsində olduğu deyilən stopper, bu mövsüm “Portu”nun heyətində iştirak etdiyi 25 oyunda 2 qol vurub, 2 məhsuldar ötürmə verib. Onun Portuqaliya klubu ilə 2023-cü ilədək müqaviləsi var.