Serxio Ramos “Real”a qayıdır?

“Real”ın sabiq kapitanı Naço Fernandes Serxio Ramosun komandaya mümkün qayıdışı ilə bağlı fikirlərini bölüşüb.

Komanda.az “El Partidazo de COPE”-yə istinadən xəbər verir ki, ispaniyalı futbolçu, klubun istənilən vəziyyətdən çıxış yolu tapmaq üçün heyrətamiz qabiliyyətə malik olduğunu bildirib:

“Ramos “Real”a keçəcək? O, bu klubun əfsanəsidir və mənim dostumdur. Onu yenidən “Real”da görmək əla olardı. Madridlilərin yeni mərkəz müdafiəçisinə ehtiyacı varmı? Klub istənilən vəziyyətdən çıxış yolu tapmaq üçün heyrətamiz qabiliyyətə malikdir. Onların qəbul etdiyi qərar düzgün olacaq”.

38 yaşlı mərkəz müdafiəçisi azad agent olaraq qalır və “Real” uzun müddətə sıradan çıxmış Eder Militaonu itirdikdən sonra müdafiəni gücləndirməlidir.