Ramos Kasilyasın rekorduna şərik çıxdı

AÇ-2020-nin seçmə mərhələsi çərçivəsində Maltaya 2:0 hesabı ilə qalib gələn İspaniya millisinin müdafiəçisi Serxio Ramos İker Kasilyasın rekordunu təkrarlayıb.

Komanda.az İspaniya mətbuatına istinadən xəbər verir ki, 32 yaşlı müdafiəçi “matadorlar”ın heyətində 121-ci qələbəyə sevinib. Beləliklə, o, millinin sabiq qapıçısı Kasilyasa çatıb.

Millinin heyətində keçirilən oyunların sayına görə isə rekord 167 matçla Kasilyasa məxsusdur. Ramos isə millinin heyətində 163 oyun keçirib.