Serxio Ramos Argentina klubuna keçə bilər

İspaniya millisinin, PSJ və “Real”ın sabiq müdafiəçisi Serxio Ramosun karyerasını Argentina çempionatında davam etdirmək variantı var.

Komanda.az xəbər verir ki, bu barədə AS nəşri məlumat yayıb.

38 yaşlı futbolçu ilə “Boka Xuniors” maraqlanır. Klub rəhbərliyi ispaniyalı müdafiəçini heyətinə qatmaq niyyətindədir. Onlar Ramosu başqa bir tanınmış oyunçu – uruqvaylı hücumçu Edinson Kavani ilə birləşdirməyi düşünürlər. Tərəflər yanvar transfer pəncərəsində danışıqlar apara bilərlər.

Ramos hazırda klubsuzdur. Onun son iş yeri “Sevilya” olub.