Ramos İspaniya millisindəki karyerasını başa vurdu

Fransanın PSJ klubunun müdafiəçisi Serxio Ramos İspaniya milli komandasındakı karyerasını başa vurub.

Komanda.az xəbər verir ki, 36 yaşlı mərkəz müdafiəçisi bu barədə qərarını sosial şəbəkə hesabındakı paylaşımla açıqlayıb.

Xatırladaq ki, Serxio Ramos 2005-ci ildən formasını geyindiyi İspaniya yığmasında 180 matça çıxıb. O, bu oyunlarda 23 qol da vurub. Təcrübəli futbolçu milli komanda ilə bir dəfə dünya, iki dəfə Avropa çempionu olub.