“Bu tip insanların stadionlara gəlişi qadağan edilməlidir” – Serxio Ramos

“Sevilya”nın müdafiəçisi Serxio Ramos “Xetafe” ilə oyundan (1:0) sonra İspaniya futbolunda yaranan irqçilik problemindən danışıb.

Komanda.az DAZN-a istinadən xəbər verir ki, oyun zamanı rəqib azarkeşlər Əndəlus klubunun futbolçusu Markos Akunyaya və baş məşqçi Kike Sançes Floresə irqçi münasibət göstəriblər:

“Bu tip insanlarla mübarizə aparılmalı və stadionlara gəlişi qadağan edilməlidir. Bu, futbolun imicini təmizləmək üçün lazımdır”.

“Xetafe” – “Sevilya” matçında rəqib azarkeşlər Akunyanın ünvanına “meymun”, Floresə qarşı isə “qaraçılar” şüarları səsləndiriblər.

Bundan əvvəl “Real”ın yarımmüdafiəçisi Vinisius Junior da Akunya və Kike Floresi dəstəkləyib.