Ramin Musayev yeganə namizəddir – PFL prezidentliyinə

Peşəkar Futbol Liqasının (PFL) prezidenti postuna keçiriləcək seçkinin tarixi müəyyənləşib.

Komanda.az xəbər verir ki, prezident seçkisi sentyabrın 14-də AFFA-nın inzibati binasında gerçəkləşəcək.

Bu barədə qurumun rəsmi saytı məlumat yayıb. Seçkiyə saat 12:00-da start veriləcək.

Ramin Musayev PFL-in Nizamnaməsinin 11-ci maddəsinin 4-cü bəndinə uyğun olaraq 4 il müddətinə seçilən Peşəkar Futbol Liqasının prezidenti vəzifəsinə yenidən namizədliyini irəli sürüb. PFL üzvləri tərəfindən müvafiq posta alternativ namizəd irəli sürülmədiyi üçün qurumun hazırkı prezidenti Musayev vahid namizəddir.