Ramil Şeydayev yeni klubu ilə ilk məşqə çıxdı

Azərbaycan millisinin hücumçusu Ramil Şeydayev yeni komandası olan Türkiyənin “Kocaelispor” klubuna qoşulub.

Komanda.az yerli mətbuata istinadən xəbər verir ki, 28 yaşlı futbolçu 1-ci liqa təmsilçisinin bugünkü məşqinə qatılıb.

O, çempionatın növbəti turunda “Eyüpspor”la keçiriləcək görüşə Körfəz Brunqa bazasında hazırlaşan kollektivlə ilk məşqə çıxıb.

Tailandın “Buriram Yunayted” klubundan transfer olunan forvardın müqavilə müddəti 2025-ci ilin yayına qədər nəzərdə tutulub.

19-cu turun “Kocaelispor” – “Eyüpspor” oyunu yanvarın 20-də keçiriləcək. Kocaeli təmsilçisi hazırda 33 xalla turnir cədvəlinin üçüncü pilləsində qərarlaşıb.