Rafinya “Real”la oyunda meydana çıxa biləcək

“Barselona”nın vingeri Rafinya Dias zədəsini tam sağaldıb və oktyabrın 26-da “Real”a qarşı keçiriləcək “el klasiko”da iştirak edə biləcək.

Braziliyalı futbolçu sentyabrın 25-də “Ovyedo” ilə oyunda (3:1) bud əzələsindən xəsarət almışdı.

Komanda.az “Marca”-ya istinadən xəbər verir ki, o, artıq əsas komanda ilə məşqlərə başlayıb və bərpa prosesi son dərəcə uğurlu keçib.

Baş məşqçi Hans-Diter Flik Rafinyanı Çempionlar Liqasındakı “Olimpiakos”la matçda (6:1) meydana buraxmaq istəməyib. Almaniyalı mütəxəssis ona tam bərpa üçün əlavə vaxt verib.

29 yaşlı futbolçunun “Real”a qarşı matça start heyətində, yoxsa, ehtiyat oyunçu kimi çıxacağı dəqiqləşməyib.