“Günahkar yalnız bizik” – Rafinya

“Barselona”nın yarımmüdafiəçisi Rafinya Dias komandasının nəticələrinin aşağı düşməsindən danışıb.

Komanda.az ESPN-ə istinadən xəbər verir ki, braziliyalı futbolçu oyun səviyyələrinin aşağı düşdüyünü bildirib:

“Bunun günahkarı yalnız bizik. Komanda zəif futbol sərgiləyir. Səviyyəmiz aşağı düşüb. Təbii ki, yorğunluğun da rolu var. Bəzi oyunlarda çox da yorulmadıq desəm, yalan olar. Xallarımızın azalmasının əsas səbəbi budur”.

“Barselona” hazırda İspaniya çempionatının turnir cədvəlinə başçılıq edir.

Rafinya kataloniyalıların heyətində ümumilikdə 111 matçda iştirak edib, 37 qol vurub və 35 məhsuldar ötürmə verib.