Rabyo Türkiyə klubuna keçə bilər

Son klubu “Yuventus” olan Fransa millisinin yarımmüdafiəçisi Adrien Rabyo karyerasını Türkiyə çempionatında davam etdirə bilər.

Komanda.az “Todofichajes”-ə istinadən xəbər verir ki, “Qalatasaray” 29 yaşlı futbçunun xidmətində maraqlıdır.

Transferə əsas maneə Rabyonun yüksək maaş tələbləridir. O, ildə 7-8 milyon avro almaq istəyir. “Cim-bom” ona bu qədər pul verməyə hazır deyil.

Fransalı yarımmüdafiəçi yeni klubu ilə bağlı son seçim etməyə tələsmir. O, maaş tələblərinin ödənilə biləcəyi Premyer Liqadan təklif alacağına ümid edir.