“Avropa Liqasının bizim üçün vacib turnir olduğunu göstərdik”

“Yuventus”un futbolçusu Adrien Rabyo UEFA Avropa Liqasının 1/16 finalının “Nant”la cavab oyunundan sonra (3:0) danışıb.

Komanda.az GFFN-ə istinadən xəbər verir ki, o, Avropa Liqasını “qoca sinyora” üçün vacib turnir adlandırıb:

“Rəqibin qırmızı vərəqə ilə cəzalanması bizə kömək oldu. Avropa Liqasının bizim üçün vacib turnir olduğunu göstərdik. Fransa millisinin baş məşqçisi Didye Deşamla danışdım. O, məni təbrik etdi”.

İki oyunun nəticəsinə əsasən, “qoca sinyora” Liqa 1 təmsilçisini 4:1 hesabı ilə məğlub edərək, növbəti mərhələyə vəsiqə qazanıb.