Rəşad Sadıqov: “İmkanım olsa, “çərçivə”də Silva olar”

“Zirə” bu gün Azərbaycan Premyer Liqasının 16-cı turunda “Kəpəz”lə qarşılaşıb.

Komanda.az xəbır vetir ki, Tovuz şəhər stadionunda keçirilən matçda 4:0 hesabı ilə qalib gələn paytaxt klubunun baş məşqçisi Rəşad Sadıqovun oyundan sonra mətbuat konfransı keçirilib. Sadıqov oyunla bağlı bunları deyib:

“Oyun gözlənildiyi kimi, çox gərgin və sərt başladı. “Kəpəz”in üzərimizdə təzyiq yaratmağa çalşacağını bilirdik. İkinci hissədə rəqibin təslim olmayacağını təxmin edirdik. Belə də oldu. Azər müəllim çox xarakterli komanda formalaşdırıb. Son turlarda göstərdikləri performans bizi narahat edirdi. Çox vacib qələbə qazandıq. Futbolçularımı təbrik edirəm.

Tiaqo Silva çox yaxşı formadadır. Bir nömrəli qapıçımızdır. İmkanım olsa, “çərçivə”də Silva olar. Aydın da ona göstərilən etimadı dogruldur, şansından istifadə edir. Bəzi futbolçuları meydana buraxmaq istəsək də, limitlə bağlı alınmır”.

“Zirə” növbəti turda evdə “Turan Tovuz”la qarşılaşacaq.

Fəxri Rüstəmli