“Rəqib bu oyunda qalib gəlməli deyildi” – Klopp

“Liverpul”un baş məşqçisi Yurgen Klopp İngiltərə Premyer Liqasının 31-ci turunun “Lids”lə matçından sonra (6:1) açıqlama verib.

Komanda.az “BBC Sport”-a istinadən xəbər verir ki, o, sakit oynadıqlarını və matçı mükəmməl idarə etdiklərini bildirib:

“Nədən danışmağa başlayacağımı bilmirəm. Bir neçə epizod istisna, ümumilikdə oyun yaxşı keçdi. Matçı mükəmməl idarə etdik. Sakit oynadıq. Tətbiq etdiyimiz əks-təzyiq indiyə qədər, bəlkə də, ən yaxşısı idi.

Oyun ərzində ən sevdiyim məqam hansı oldu? Əsas vaxta əlavə edilmiş 2-ci dəqiqədə 4 futbolçumun çarəsiz “Lids” oyunçusunu təqib etməsi. Bu, fantastik idi! Yaxşı oynadıq və inanılmaz qollar vurduq.

Rəqib bu oyunda qalib gəlməli deyildi. Mənim görmək istədiyim oyun üslubu budur”.

Mersisayd təmsilçisi hazırda İngiltərə çempionatının turnir cədvəlində 47 xalla 8-ci, “Lids” isə 29 xalla 16-cı pillədə qərarlaşıb.