“Rəqibin müdafiəsində problemlərin olmasını düşünməməliyik” – Kadi

“Həm ötən oyunda, həm də bu dəfə yaxşı çıxış etdik. Məşqdə etdiklərimizi oyunlarda göstərməyə çalışırıq”.

Komanda.az xəbər verir ki, bunu “Qarabağ”ın futbolçusu Kadi Borges Bakıda İsveçrə “Sürix”inə 3:2 hesabı ilə qalib gəldikləri UEFA Çempionlar Liqasının 2-ci təsnifat mərhələsinin ilk oyunundan sonra açıqlamasında deyib.

Oyundakı ilk qolun müəllifi olan braziliyalı yarımmüdafiəçi, cavab görüşündə də verilən tapşırıqları düzgün icra edəcəklərini bildirib:

“Rəqibin müdafiəsində problemlərin olmasını düşünməməliyik. Növbəti oyunda da baş məşqçinin tapşırıqlarını yerinə yetirməyə çalışacağıq”

“Qarabağ”la “Sürix” arasında cavab oyunu iyulun 27-də Sürixdə baş keçiriləcək.