“İstəyirik ki, Konfrans Liqasındakı yolumuza davam edək” – “Zirə”nin futbolçusu

“Zirə”nin futbolçusu Qismət Alıyev Avropa Konfrans Liqasının 2-ci təsnifat mərhələsi çərçivəsində İsrailin “Makkabi” (Təl-Əviv) komandasına qarşı keçirəcəkləri oyuna hazırlığı dətərləndirib.

Komanda.az-a açıqlama verən futbolçu oyuna sayılı günlər qalsa da, məşqlərə həvəslə yanaşdıqlarını deyib:

“Artıq bütün diqqətimizi “Makkabi” ilə oyuna yönəltmişik. Çox yaxşı təlim-məşq toplanışı keçdik. Oyuna sayılı günlər qalıb. Məşqlərə yenə də böyük həvəslə hazırlaşırıq. Baş məşqçimizin dediklərini yerinə yetirməyə çalışırıq. Rəqibin kimliyindən asılı olmayaraq, istəyirik ki, yaxşı oyun sərgiləyib həm azarkeşlərimizi sevindirək, həm də Konfrans Liqasındakı yolumuza davam edək”.