“Qəbələ”nin hücumçusu əməliyyat olunub

“Qəbələ”nin futbolçusu Ülvi İsgəndərov əməliyyat olunub.

Komanda.az klubun mətbuat xidmətinə istinadən xəbər verir ki, 27 yaşlı hücumçuya qasıq yırtığı ilə bağlı cərrahi müdaxilə Türkiyənin İstanbul şəhərində gerçəkləşib.

Əməliyyatın uğurlu keçdiyi vurğulanıb. Onun 3-4 həftəyə komanda ilə məşqlərə başlayacağı gözlənilir.

İsgəndərov son matçını martın 9-da “Sabah”a qarşı keçirib.