“Qəbələ”nin baş məşqçisi qovuldu

Futbol üzrə Azərbaycan Premyer Liqasının 16-cı turu çərçivəsində keçirilən “Sabah” – “Qəbələ” matçının sonlarında daha bir gərginlik yaşanıb.

Komanda.az xəbər verir ki, qarşılaşmaya əlavə olunan dəqiqələrdə qonaq komandanın çalışdırıcısı Zaur Həşimov texniki zonadan kənarlaşdırılıb.

O, hakimlərə kəskin və aqressiv formada narazılığını bildirdiyi üçün baş hakim tərəfindən tribunaya göndərilib.

Xatırladaq ki, Həşimov əslində protokolda “Qəbələ”nin baş məşqçisi kimi göstərilib.

“Sabah” – “Qəbələ” matçının ilk yarısının son saniyələrində də meydan sahiblərinin hücumçusu Marko Deviç ikinci sarı vərəqə ilə meydandan qovulmuşdu.