“Qəbələ” sabah ilk yoxlama oyununa çıxacaq

Yeni mövsümün hazırlığını davam etdirən “Qəbələ” fasilə dövründə ilk yoxlama oyununu keçirəcək.

Komanda.az xəbər verir ki, “qırmızı-qaralar” Küveytin “Əl-Yarmuk” klubu ilə üz-üzə gələcək.

Qəbələdə təlim-məşq toplanışında olan Asiya təmsilçisi ilə matç sabah keçiriləcək. Qarşılaşma Qəbələ şəhər stadionunda təşkil olunacaq. Oyunun start fiti saat 18:00-da veriləcək.

Ötən mövsüm Küveyt çempionatının 1-ci liqanın qalibi olan “Əl-Yarmuk” Premyer Liqaya vəsiqə qazanıb.