“Qəbələ” “Fehervar”a qalib gəldi

“Qəbələ” bu gün UEFA Konfrans Liqasının 2-ci təsnifat mərhələsində cavab oyununu keçirib.

Komanda.az xəbər verir ki, Qəbələ təmsilçisi doğma meydanda Macarıstan “Fehervar”ı ilə üz-üzə gəlib.

Macarıstanda keçirilən ilk görüşdə “Fehervar” 4:1 hesablı qələbə qazanmışdı. Hesabın böyük olması “Qəbələ”nin Konfrans Liqasında yoluna davam edəcəyinə olan ümidləri xeyli azaltmışdı. Amma komandanın doğma meydanda, azarkeşləri qarşısında oynaması matçın kifayət qədər gərgin keçəcəyini düşünməyə əsas verir.

Matçda hesabı “Qəbələ” açıb. Fasilə ərəfəsində qonaqlar hesaba tarazlıq gətirsələr də, ikinci hissədə Azərbaycan təmsilçisi qələbə qolunu vurmağı bacarıb.

UEFA Konfrans Liqası, 2-ci təsnifat mərhələsi
Cavab oyunu (ilk oyun 1:4)

28 iyul

Qəbələ – Fehervar (Macarıstan) 2:1
Qol: R.Muradov, 34. F.Santos, 73 – B.Zivzivadze, 44.
Hakimlər: Kristofer Jaqer, Robert Steynaxer, Santino Şreyner, Markus Hameter (hamısı Avstriya)
Qəbələ şəhər stadionu

Qəbələ: 1. Səlahət Ağayev, 2. İlkin Qırtımov, 4. Ruan Renato, 5. İsnik Alimi, 6. Feras Abu Akal, 7. Rövlan Muradov, 10. Omar Hani, 11. Asif Məmmədov, 23. Rafael Utziq, 27. Məqsəd İsayev, 97. Felipe Santos.
Ehtiyat oyunçular: 13. Kristof Atanqana-Assimba, 36. Elməddin Sultanov, 12. Rüfət Əhmədov, 14. Ülvi İsgəndərov, 18. Mehrac Baxşəlı, 20. Rauf Rüstəmli, 33. Hüseyn Mürsəlov, 44. Salman Ələsgərov, 74. Süleyman Damadayev.
Baş məşqçi: Elmar Baxşıyev.

Fehervar: 1. Daniel Kovaç, 5. Attila Fiola, 8. Yevgeni Makarenko, 9. Budu Zivzivadze, 11. Loik Neqo, 13. Artyom Şabanov, 22. Stopira, 23. Pal Dardai, 31. Nikola Serafimov, 55. Marsel Heyster, 94. Klaudio Bumba.
Ehtiyat oyunçular: 32. Emil Roçkov, 6. Peter Pokornı, 7. İvan Petriak, 19. Kenan Kodro, 21. Ruben Pinto, 26. Mixael Lüftner, 29. Solt Kojnok, 65. Silvester Hanqya, 70. Funşo Bamqboye.
Baş məşqçi: Mixael Boris.