“Real” isveçli hücumçunun xidmətindən imtina edib

Lissabon “Sportinq”inin hücumçusu Viktor Qyokereşin xidməti “Real”a təklif edilib.

Komanda.az xarici KİV-ə istinadən xəbər verir ki, ancaq “kral klubu” 27 yaşlı forvardın transferindən imtina edib.

Qyokereş son mövsümdə bütün turnirlər daxil olmaqla 52 oyunda iştirak edib, 54 qol vurub və 13 məhsuldar ötürmə ilə yadda qalıb.

Hazırda isveçli oyunçunun transferində maraqlı olan əsas klublar arasında “Yuventus” və “Arsenal” var.