“Qvardiola gecələr yatmayacaq və bu ona çox zərər verəcək” – Keçmiş futbolçu

İngiltərə millisinin və “Nyukasl”ın sabiq hücumçusu Alan Şirer “Mançester Siti”nin baş məşqçisi Pep Qvardiolanın komandası ilə bağlı narahatlığı haqda fikirlərini bölüşüb.

Komanda.az “Daily Mail”-ə istinadən xəbər verir ki, o, bunu deyib:

“Qvardiola hamı kimi insandır. O, məşqçilərin 99 faizinin eniş-yoxuş zamanı yaşadıqlarını yaşadı. O, gecələr yatmayacaq və bu ona çox zərər verəcək. Onun komandasını bu vəziyyətdə görmək bizim üçün qeyri-adi haldır. Bəli, özü də buna öyrəşməyib. Bunun bir neçə həftə ərzində həll olunacağını düşünmürəm”.

“Şəhərlilər” İngiltərə Premyer Liqasının 15 turundan sonra 27 xalla turnir cədvəlinin 5-ci pilləsində qərarlaşıb.