Slotdan Qvardiola ilə bağlı etiraf

“Liverpul”un baş məşqçisi Arne Slot “Mançester Siti”dəki həmkarı Pep Qvardiola haqda danışıb.

Komanda.az xarici KİV-ə istinadən xəbər verir ki, niderlandlı çalışdırıcı, Qvardiolanın komandalarının oyununu izləməyi xoşladığını bildirib:

“Futbolda az adam var ki, onların komandalarının oyunlarına baxanda sıxılmırsan. “Barselona”, “Bayern” və ya “Mançester Siti”nin 10 oyunundan 9-u futbolu sevən hər kəs üçün maraqlıdır. Buna görə də, Qvardiolanın komandalarının oyununu izləməyi xoşlayıram”.

“Liverpul” Premyer Liqanın 13-cü turunun oyununda, dekabrın 1-də “Mançester Siti”ni qəbul edəcək.