Qvardioladan xəbərdarlıq: “Hələ çempion deyilik”

“Mançester Siti”nin baş məşqçisi Pep Qvardiola İngiltərə Premyer Liqasında “Mançester Yunayted”ə 2:0 hesabı ilə qalib gəldikləri matçdan sonra açıqlama verib.

Komanda.az İngiltərə mətbuatına istinadən xəbər verir ki, ispan mütəxəssis, “Liverpul”la aralarında olan çempionluq yarışı haqqında danışıb:

“Bu oyunda qalib gəldik, amma artıq bizi “Bernli” səfəri gözləyir. Bunun nə qədər çətin olacağını bilirik.

Hələ çempion deyilik, buna görə də, sakit olmalıyıq. Hər iki komanda çempionluğa layiqdir. İki komandanın da qazandığı xallar inanılmazdır. Keçən mövsüm Premyer Liqa xalını 100-ə yüksəltdik. “Liverpul” da səviyyəsini yüksəltdi və yarışa daxil oldu. Onlar inanılmaz iş görürlər, amma hər şey bizim əlimizdədir”.

Premyer Liqada keçirdiyi 35 turdan sonra 89 xal toplayan “şəhərlilər”, turnir cədvəlinin ilk pilləsində qərarlaşıb və “Liverpul”dan bir xal öndədirlər.