Qvardioladan “Mançester Siti”nin əsas rəqibi hansı klubdur” sualına cavab

“Mançester Siti”nin baş məşqçisi Pep Qvardiola bu mövsüm hansı komandanı əsas rəqib kimi gördüyünü açıqlayıb.

Komanda.az xarici mətbuata istinadən xəbər verir ki, Çempionlar Liqasında “Sportinq” üzərində 5:0 hesablı qələbədən sonra Qvardioladan hazırda hansı klubun “Mançester Siti”yə əsas rəqib olduğu sualı verilib. İspaniyalı mütəxəssis “Liverpul”un adını çəkib:

“Liverpul”! Onlar Premyer Liqada bizdən 9 xal geri qalırlar. Son mövsümlərdə “Liverpul” bizim ən böyük rəqibimiz olub.

“Liverpul” həmişə bir yerdə dayanır. Onlar avrokuboklarda da əla oynayırlar”.