Qvardiola: “Qrilişə ehtiyacım var”

“Mançester Siti”nin baş məşqçisi Pep Qvardiola ümid edir ki, yarımmüdafiəçi Cek Qriliş pik formaya qayıdacaq.

Komanda.az xarici KİV-ə istinadən xəbər verir ki, ispaniyalı çalışdırıcı Qrilişə ehtiyacı olduğunu bildirib:

“Mənə ən yaxşı Qriliş lazımdır və İngiltərə millisi də ona ehtiyac duyur! “Brayton”la oyundan əvvəl həkim mənə oynamağa hazır olmadığını dedi. İngiltərədə milliyə çağırıla bilən 200 futbolçu var. Cekin sağalması daha yaxşıdır, ona ehtiyacım var. O, yaxşı olanda Tomas Tuxelli milliyə gedəcək. Amma buna layiq olmaq üçün burada yaxşı çıxış etməlidir.

Riko Lyuis niyə 20 yaşında İngiltərə millisində oynayır? Çünki o, klubunda yaxşıdır”.

29 yaşlı Qriliş səhhətindəki problemlərə görə oktyabrın sonunda sıradan çıxıb. O, cari mövsümdə “Mançester Siti”nin heyətində 6 oyunda iştirak edib.