“Ortabab komandaların səviyyəsi inanılmaz dərəcədə artıb” – Qvardiola

“Mançester Siti”nin baş məşqçisi Pep Qvardiola İngiltərə Premyer Liqasında komandaların orta səviyyəsinin xeyli yüksəldiyini etiraf edib.

Komanda.az “City Zone”-yə istinadən xəbər verir ki, ispaniyalı çalışdırcı ortabab komandaların səviyyəsinin inanılmaz dərəcədə artdığını bildirib:

“Ortabab komandaların səviyyəsi inanılmaz dərəcədə artıb. Ən yaxşı komandalar həmişə oradadır. “Çelsi”, “Mançester Siti”, “Liverpul”, “Arsenal”, son illərdə də “Nyukasl” və “Tottenhem”, “Fulhem”, “Brentford’, “Bornmut”a baxdıqdan sonra… Bağışlayın, deyərdim ki, əksər komandalar yüksək səviyyədə çıxış edirlər. “Vulverhempton” və “Sauthempton”a qarşı da əziyyət çəkdik”.

“Mançester Siti” son turda “Bornmut”a uduzub – 1:2. Bu, Qvardiolanın yetirmələrinin Premyer Liqada keçən ilin dekabrından bəri ilk məğlubiyyəti olub.