Qvardiola Nunyeslə insident haqda: “O, məndən güclüdür”

“Mançester Siti”nin baş məşqçisi Pep Qvardiola İngiltərə çempionatının 13-cü turunun oyunundan (1:1) sonra “Liverpul”un hücumçusu Darvin Nunyeslə münaqişə barədə danışıb.

Komanda.az “Sky Sports”-a istinadən xəbər verir ki, Qvardiola Nunyesin ondan güclü olduğunu deyib:

“O, məndən güclüdür. Ciddi heç nə olmadı. Bu məyusluq deyil. Mən çox xoşbəxtəm”.

Xatırladaq ki, final fitindən sonra Nunyes əvvəlcə Qvardiolanın əlini sıxmaq üçün ona yaxınlaşsa da, bundan dərhal sonra onlar arasında münaqişə başlayıb. “Liverpul”un baş məşqçisi Yurgen Klopp Nunyesi Qvardioladan uzaqlaşdırıb.

Premyer Liqanın 13 turundan sonra “Mançester Siti” 29 xalla turnir cədvəlinin ikinci pilləsində qərarlaşıb. “Liverpul” isə 28 xalla üçüncü pillədə yer alıb.