Qvardiola “Liverpul”un hücumçusu ilə münaqişə yaşayıb

“Mançester Siti”nin baş məşqçisi Pep Qvardiola İngiltərə çempionatının 13-cü turunun matçından sonra “Liverpul”un hücumçusu (1:1) Darvin Nunyeslə münaqişə yaşayıb.

Komanda.az xarici KİV-ə istinadən xəbər verir ki, matçdan sonra uruqvaylı futbolçu ilk olaraq Qvardiolanın əlini sıxmaq üçün yaxınlaşıb. Lakin bundan dərhal sonra onlar bir-birlərinə emosional olaraq nə isə ifadə etməyə başlayıblar. “Liverpul”un baş məşqçisi Yurgen Klopp Nunyesi Qvardioladan uzaqlaşdırıb.

İngiltərə çempionatının 13 turundan sonra “şəhərlilər” 29 xalla turnir cədvəlinin ikinci pilləsində qərarlaşıb. “Liverpul” isə 28 xalla üçüncü pillədə yer alıb.