Levandovskinin “Barselona”ya keçidindən danışdı – Qvardiola

“Mançester Siti”nin baş məşqçisi Pep Qvardiola “Bayern” lə yoxlama oyunu öncəsi mətbuat konfransında polşalı hücumçu Robert Levandovskinin “Barselona”ya transferini şərh edib.

Komanda.az xarici KİV-ə istinadən xəbər verir ki, o, Levandovskinin vacib oyunçu olduğunu deyib:

“Levandovski vacib oyunçu idi. Amma “Bayern”in başqa vacib oyunçuları hələ də oradadır – Noyer, Kimmix, Müller… “Real”, “Barsa” və ya “Bayern” kimi klublar zəng edəndə, bütün oyunçular ora getmək istəyir. Digər klublar eyni transfer üçün daha çox pul ödəməlidirlər”.

Qvardiola 2013-2016-cı illərdə “Bayern”in baş məşqçisi olub.