Qvardiolanın 140 milyon avroluq hədəfi

“Mançester Siti”nin baş məşqçisi Pep Qvardiola komandasının hücum xəttini gücləndirməyi planlaşdırır.

Komanda.az xarici KİV-ə istinadən xəbər verir ki, ispaniyalı mütəxəssisin transfer hədəfi Almaniya millisi və Leverkuzen “Bayer”inin futbolçusu Florian Virtsdir.

21 yaşlı yarımmüdafiəçinin “əczaçılar”la müqaviləsi 2028-ci ilə qədərdir. Onun transfer dəyəri 140 milyon avrodur.

Virts cari Bundesliqa mövsümündə 21 oyun keçirib, 9 qol vurub və eyni sayda məhsuldar ötürmə verib.