Qvardiola: “85-95 faiz ehtimalla heyətimiz olduğu kimi qalacaq”

“Mançester Siti”nin baş məşqçisi Pep Qvardiola etiraf edir ki, növbəti mövsümdə komandasının heyəti əvvəlki ildə olduğu kimi qalacaq.

Komanda.az xarici KİV-ə istinadən xəbər verir ki, ispaniyalı çalışdırıcı komandaya yeni gələnlərin qoşulacağını istisna etmədiyini bildirib:

“Transfer pəncərəsinin son gününə qədər heyətdə bəzi dəyişikliklər etmək imkanımız olacaq. Komandaya yeni gələnlərin qoşulacağını istisna etmirəm, amma bunun baş verməsi üçün kimsə getməlidir. Düşünürəm ki, 85-95 faiz ehtimalla bizim heyətimiz olduğu kimi qalacaq”.

“Mançester Siti” Qvardiolanın rəhbərliyi altında İngiltərə Premyer Liqasının son qalibidir. Ümumilikdə o, bu komanda ilə 6 Premyer Liqa titulunu qazanmağı bacarıb.