Qvardioladan Messi və Haland müqayisəsi

“Mançester Siti”nin baş məşqçisi Pep Qvardiola “şəhərlilər”in hücumçusu Erlinq Halandın oyun üslubunu PSJ-nin forvardı Lionel Messinin oyun tərzinə bənzədib.

Komanda.az ESPN-ə istinadən xəbər verir ki, o, Messinin hər il eyni səviyyədə oynadığını deyib:

“Heç bir futbolçu Messi ilə müqayisə oluna bilməz. Bu cür müqayisələrin Halanda heç bir köməyi dəyməyəcək. Vurulan qollara nəzər salaq: Lionel hər il eyni səviyyədə çıxış edir. Erlinqin vurduğu qollar Messinin qolları ilə eyni səviyyədədir.

Erlinq hər matçda qol vurur. Hər oyunda bir və ya iki qol vurmaq şansı var. Amma Messi oyunu hiss etmək qabiliyyəti, driblinq, ötürmə bacarıqları və bir çox fərqli xüsusiyyətlərinə görə ideal oyunçudur. Ümid edirəm ki, Erlinq zamanla Messiyə çatacaq. Bu, komanda üçün də əla olar”.

Norveç millisinin üzvü 2022/23 mövsümündə “Mançester Siti”nin heyətində bütün turnirlər daxil olmaqla 44 oyuna çıxıb, 50 qol vurub və 8 məhsuldar ötürmə edib.