Qurbanov: “Futbolçulara dərhal dedim ki, bu, bizə dərs olsun”

“Qəbələ”nin məşqçisi Sənan Qurbanovun Azərbaycan Premyer Liqasının 18-ci turunda “Keşlə”ylə evdə qolsuz bərabərliklə nəticələnən qarşılaşmadan sonra mətbuat konfransı keçirilib.

Komanda.az xəbər verir ki, Qurbanov əvvəlcə oyunu dəyərləndirib:

 – Evdə oynayırdıq, qalib gəlmək istəyiridk. Üstəlik, ötən turda uduzmuşduq. Təəsüsf ki, alınmadı. İlk hissədən çox narazı qaldım. Belə futbol oyun tərzi bizə lazım deyil. Uda da bilərdik, uduza da.

 – Bu gün komandanız bərbad oynadı. Fərqlənəsi futbolçularınız çox az idi…

– “Qarabağ”la oyundan sonra futbolçularımız kənardan təriflər eşitidlər. Ancaq onlara aşılamaq istədik ki, bu oyun geri qaldı. Hədəflərimiz var və ona çatmaq üçün ilk növbədə özünəinam lazımdır. Bu gün istəkli komanda gözləyirdim, belə oyun sürpriz oldu.

– Belə demək olarmı ki, komandanı hazırlaya bilmədiz?

– Orası elədir ki, 3 yox, 6 xallıq oyun idi. Həftənin əvvəlində iclasımız olmuşdu. Qorxum vardı. Bir həftə üzərində işlədik. Bu olmasaydı, daha pis olardı.

– Cəza ola bilərmi futbolçulara belə oyuna görə?

– Əlbəttə, bizə lazım olan oyun olmadı. Futbolçulara dərhal dedim ki, bu, bizə dərs olsun.

– Bu gün 1 xal qazandız, yoxsa..?

– Əladətlli nəticə elə heç-heçədi.

– Sayılmayan qolla bağlı fikirləriniz…

– Yeni qaydalara görə Rauf Əliyev ofsaydda aktiv olduğuna görə qol sayılmayıb. Videotəkrara baxandan sonra dəqiq fikir demək olar. (sport24.az)