Qurbanlının komandası Moldova kubokunun 1/4 finalında

Futbol üzrə Moldova kubokunda 1/8 final mərhələsinin oyunları keçirilib.

Komanda.az xəbər verir ki, azərbaycanlı futbolçu Orxan Qurbanlının formasını geyindiyi “Dinamo-Avto” da növbəti matçına çıxıb.

Sözügedən kollektiv səfərdə “Spartanni” ilə qarşılaşıb. Futbolçumuzun komandası bu oyundan qələbə (3:1) ilə ayrılıb və 1/4 finala vəsiqə qazanıb.

Orxan da bu görüşün iştirakçısı olub. O, komandasının start heyətində meydana çıxıb və 67-ci dəqiqədə əvəzlənib.