Qurban Qurbanov: “Hansı komandaya qarşı oynayacağımızı bilirik”

“Qarabağ”ın baş məşqçisi Qurban Qurbanov Bakıda Rumıniya təmsilçisi FCSB-yə qarşı keçirəcəkləri UEFA Avropa Liqası oyunundan əvvəl mətbuat konfransında iştirak edib.

Komanda.az xəbər verir ki, Qurbanov oyuna yaxşı hazırlaşdıqlarını deyib:

“Pis hazırlaşmamışıq. Bəzi problemlərimiz var. Hansı komandaya qarşı oynayacağımızı bilirik. Rumıniya futbolu sərtliyi ilə seçilir. Hücumun qurulmasında hansısa xırda dəyişiklik ola bilər. Öz sistemimizi daha da yaxşılaşdırmağa çalışacağıq. Sabahkı matçda səhv etməməliyik. Rəqib bunu bağışlamayacaq. Bəzi məqamlara xüsusi diqqət ayırmalıyıq.

Hər klubun rəhbəri, məşqçisi, futbolçusu istənilən açıqlamanı verə bilər. Biz də qalib gəlmək niyyətindəyik”.

UEFA Avropa Liqasının Liqa mərhələsinin 7-ci turunun “Qarabağ” – FCSB matçı yanvarın 23-də, saat 21:45-də Tofiq Bəhramov adına Respublika stadionunda keçiriləcək. “Qarabağ” turnir cədvəlində 3 xalla 33-cü, FCSB 11 xalla 10-cu sıradadır.

Nəzrin Kazımlı