Quliyev oynadı, “Spartak” “Şerif”ə uduzdu

Rusiyanın “Spartak” klubu Türkiyədəki təlim-məşq toplanışı çərçivəsində növbəti yoxlama oyununa çıxıb.

Komanda.az xəbər verir ki, azərbaycanlı futbolçu Ayaz Quliyevin formasını geyindiyi Moskva təmsilçisi Moldova çempionu “Şerif”lə üz-üzə gəlib.

Qarşılaşma Rusiya təmsilçisinin məğlubiyyəti ilə başa çatıb – 1:2. İlk yarıda iki qol buraxan “Spartak” fasilədən sonra təsəlli qolu ilə kifayətlənib.

Ayaz da bu görüşün iştirakçısı olub. Start heyətdə meydana çıxan Quliyev 57-ci dəqiqədə əvəzlənib.