![](https://komanda.az/wp-content/uploads/2022/02/roten.jpg)
“Qrizmann artıq böyük turnirlərdə oynaya bilməz” – Keçmiş futbolçu
PSJ-nin sabiq yarımmüdafiəçisi Jerom Roten hücumçu Antuan Qrizmannın Fransa millisindəki karyerası ilə bağlı fikirlərini bölüşüb.
Komanda.az “Topmercato”-ya istinadən xəbər verir ki, fransalı keçmiş futbolçu, Qrizmannın artıq böyük turnirlərdə oynamamalı olduğunu bildirib:
“Böyük oyunçular dayanmağı bacarmalıdırlar. Qrizmann artıq böyük turnirlərdə oynaya bilməz. Düşünürəm ki, onun “dayan” deməsinin vaxtı çatıb. Rafael Varanı xatırlayın, o, zirvədə getdi. Antuan 2026-cı ilə qədər komandada qalmaq istəyir. O, artıq yaxşı formada olduğu anları əldən verib”.
Fransa yığması Avropa çempionatında İspaniya millisinə 1:2 hesabı ilə məğlub olaraq, mübarizəni yarımfinal mərhələsində dayandırıb. Qrizmann turnirdə 6 oyun keçirib və qol vura bilməyib.
Bizi Facebook-da izləyin