Qrizmann bunu bacaran ilk futbolçu oldu

“Atletiko” İspaniya La Liqasının 32-ci turunda “Selta”nı məğlub edib.

Komanda.az xarici mətbuata istinadən xəbər verir ki, 2:0 hesabıyla bitən görüş Madrid təmsilçisinin hücumçusu Antuan Qrizmann üçün əlamətdar olub. Matçın 74-cü dəqiqəsində fərqlənən Qrizmann, bu mövsüm vurduğu qolların sayını 20-yə çatdırıb.

Qrizmann ardıcıl 5 mövsümdür ki, “Atletiko”nun heyətində 20 və daha çox qol vurur. O, Madrid təmsilçisinn heyətində bunu bacaran ilk futbolçu olub. Fransız hücumçu 2014/15 mövsümündə 24, 2015/16-da 31, 2016/17-də 26, 2017/18-də isə 26 qola imza atıb.