Qoretska klubunu dəyişmək istəmir

“Bayern”in yarımmüdafiəçisi Leon Qoretska karyerasını davam etdirmək üçün qərar verib.

Komanda.az xarici KİV-ə istinadən xəbər verir ki, almaniyalı futbolçu komandasını dəyişmək üçün heç bir səbəb görmür. O, Münhendə özünü rahat hiss edir və ayrılmaq istəmir.

Qoretska mövsümöncəsi məşq başlamazdan əvvəl yeni baş məşqçi Vensan Kompani ilə danışacaq və gələcəyini müzakirə edəcək. Onun klubla 2026-cı ilə qədər müqaviləsi olduğu üçün rahat vəziyyətdədir.

Qoretska Almaniya millisinin sabah başlayacaq Avropa çempionatı üçün heyətində yer almayıb. O, Bundesliqanın son mövsümündə 6 qol vurub, 7 məhsuldar ötürmə edib.