“Qomesin “Yuventus”a gəlişi mümkün görünmür”

“Yuventus”un idman direktoru Fabio Paratiçi komandanın futbolçusu Paulo Dibala ilə bağlı açıqlama verib.

Komanda.az İtaliya mətbuatına istinadən xəbər verir ki, klub rəsmisi, həm Dibalanın gələcək taleyi, həm də “qoca sinyora”nın hədəfində olduğu deyilən “Atalanta”nın futbolçusu Papu Qomesin mümkün transferi ilə bağlı danışıb:

“Dibala ilə bağlı klub prezidentinin cavabı qəti oldu. Bu futbolçuyla əla münasibətimiz var. Beş il əvvəl ona sərmayə qoyduq, ona komandanın 10 nömrəli formasını verdik. Hamımız onu sevirik. Həm Dibala, həm də onun meneceri ilə danışıqlar aparacağıq. Koronavirus səbəbiylə yeni müqavilə ilə bağlı görüşləri həyata keçirə bilmirik.

Qomesin “Yuventus”a gəlişi mümkün görünmür. O, mükəmməl futbolçudur, amma biz öz futbolçularımızla xoşbəxtik”.