Qol vurduğum üçün xoşbəxtəm, ancaq… – Ronaldo

“Yuventus”un futbolçusu Kriştiano Ronaldo A Seriyasının 22-ci turunda “Parma”yla qarşılaşdıqları matçdan sonra fikirlərini bildirib.

Komanda.az xəbər verir ki, portuqaliyalı hücumçu 3:3 hesabıyla bitən oyunu belə şərh edib:

“Futbol, belə bir oyundur. Qol vurduğum üçün xoşbəxtəm, ancaq nəticə yaxşı deyil. “Parma” səhv etməyimizi gözlədi və bundan yararlandı. Ən yaxşı komanda olduğumuz üçün hamı “Yuventus”u izləyir. Bütün komandalar bizi məğlub etməyin yollarını axtarır.

Komandaya və texniki heyətə inanım çoxdur. Narahat olmamalı, sakit qalmalıyıq”.

A Seriyasında “Yuventus” 60 xalla 1-ci, “Napoli” isə 51 xalla 2-ci pillədə qərarlaşıb.