“Oyunda qələbə qazanmağın 500 yolu var” – Klopp

İngiltərə Premyer Liqasının son turunda “Tottenhem”ə 2:1 hesabı ilə qalib gələn “Liverpul”un baş məşqçisi Yurgen Klopp matçdan sonra açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, qələbə qazanmalarına baxmayaraq, yaxşı oyun göstərmədiklərini deyib:

“Oyunda qələbə qazanmağın 500 yolu var. Bu gün bir az çirkin oldu, lakin bu, heç kimin vecinə deyil. Qol buraxdığımız üçün xoşbəxt deyildim, amma buna layiq olduğumuzu da düşünürdüm. İlk hissədə çox qol şansı yaxaladıq və möhtəşəm bir qol vurduq. İkinci hissədə isə ciddi bir oyun göstərə bilmədik”.