“Biz bu vəziyyətdən çıxmalıyıq”

“Mançester Siti”nin futbolçusu Fil Foden “Mançester Yunayted”ə məğlubiyyətdən (1:2) sonra komandasının fəlakətli nəticələri barədə fikirlərini bildirib.

Komanda.az xarici KİV-ə istinadən xəbər verir ki, ingiltərəli yarımmüdafiəçi qısa müddətdə bu qədər matçda uduzmağa öyrəşmədiklərini söyləyib:

“Qısa müddətdə bu qədər matçda uduzmağa öyrəşməmişik, amma həyatda bəzən çətinliklərlə üzləşməli olursan, həmişə qalib gəlmək mümkün deyil. Belə məğlubiyyətlərdən sonra adamda elə təəssürat yaranır ki, bu, psixologiya məsələsidir. Biz bu vəziyyətdən çıxmalıyıq, yenidən yola qayıtmalıyıq. Paltardəyişmə otağında ətrafa baxanda böyük insanları, liderləri görürəm. Əminəm ki, biz bir araya toplaşıb düzgün qərara gələ bilərik. Bir çoxumuz bunu yaşamamışıq, lakin biz bunun üzərindən keçib, dərs almalıyıq”.

Pep Qvardiolanın komandası derbidə qalib gəlməyə yaxın olsa da, yenə uğursuzluğa düçar olub, sonda iki qol buraxıb. Bu, “şəhərlilər”in son 11 oyunda 8-ci məğlubiyyətidir.